Totalt 3,6 millionar reisande nytta Avinor sine lufthamner i februar. Dette er ein auke på to prosent samanlikna med februar i 2024. Det er liten auke i talet på innanlandsreisande, men for utanlandsreisande gjekk talet opp med seks prosent.
I februar 2024 reiste det 1.359.878 passasjerar mellom Noreg og utlandet. Eit år seinare er talet auka til 1.438.674 reisande.
– Veksten i talet på utanlandsreisande er framleis prega av den sterke auken i turisme til Noreg. Noreg er ein attraktiv destinasjon, og vi opplever nå ein sterk vekst vinterstid. Dette gjeld både frå Europa, Nord Amerika og Asia. Det er her vi finn forklaringa på auken i passasjertala, forklarer Gaute Skallerud Riise, direktør for trafikkutvikling i Avinor
Ingen auke i flyrørsler
Det var 45.549 flyrørsler i februar. Det er på same nivå som februar i 2024.
– Med ei framleis begrensa utvikling i talet på flyrørsler, held fyllingsgraden fram med å stige også for februar. Samla var fyllingsgraden på 71,8 prosent, noko som er opp over 1 prosentpoeng mot same månad i fjor. Dette er positivt for kapasitetsutnyttinga i luftfarten, men det er også eit uttrykk for dei store leveranseutfordringane flyselskapa står overfor. Det påverkar rutetilbodet i marknaden, avsluttar Riise.
Framleis størst vekst for dei mindre lufthamnene
For alle Avinor sine lufthamner samla er det to prosent fleire reisande i februar i år enn i februar i fjor.
Se vi på dei store lufthamnene Oslo, Bergen, Trondheim og Stavanger (DSL), er det liten endring samanlikna med februar i fjor, med ein prosent samla auke.
Det er dei regionale lufthamnene (DRL) som hadde størst samla vekst i februar, med ein auke på åtte prosent.
| Februar | Hittil i år | |||||
| Lufthamn | 2024 | 2025 | Endring | 2024 | 2025 | Endring |
| Oslo | 1 763 000 | 1 805 000 | 2 % | 3 357 000 | 3 550 000 | 6 % |
| Bergen | 438 000 | 427 000 | -3 % | 856 000 | 858 000 | 0 % |
| Trondheim | 295 000 | 291 000 | -1 % | 566 000 | 575 000 | 1 % |
| Stavanger | 276 000 | 268 000 | -3 % | 546 000 | 538 000 | -1 % |
| DSL sum | 2 772 000 | 2 791 000 | 1 % | 5 325 000 | 5 521 000 | 4 % |
| Tromsø | 237 000 | 272 000 | 15 % | 452 000 | 544 000 | 20 % |
| DSL andre | 541 000 | 569 000 | 5 % | 1 030 000 | 1 117 000 | 8 % |
| DRL sum | 778 000 | 841 000 | 8 % | 1 482 000 | 1 661 000 | 12 % |
| Avinor sum | 3 550 000 | 3 632 000 | 2 % | 6 807 000 | 7 182 000 | 6 % |
