Siste nytt
Bærekraft
juni 18, 2026
Cruise
juni 18, 2026
Historiske hoteller
juni 17, 2026
Reiser, Ferie & Fritid
Reiser, Ferie & Fritid
Reiser, Ferie & Fritid
Flying start på 2025 – ni prosent fleire reisande i januar
3,5 millionar passasjerar nytta Avinor sine lufthamner i januar. Dette er ein auke på ni prosent samanlikna med januar i 2024. Størst er auken blant utanlandsreisande der talet på reisande gjekk opp med 13 prosent. Talet på innanlandsreisande er seks prosent høgare enn i januar i fjor.
– Inngangen på året har vist sterk utvikling, der talet på utanlandsreiser er hovuddrivaren. Veksten i talet på utanlandsreisande er prega av den sterke auken i turisme til Noreg som vinterdestinasjon. Noreg stikk seg stadig meir ut som ein attraktiv destinasjon i den internasjonale konkurransen om vinterturismen, forklarer Gaute Skallerud Riise.
Christian Lunde i VisitOSLO har óg tal frå Osloregionen som stadfester utviklinga:
– Vi har i 2024 opplevd ei overraskande interesse, og vekst, frå den internasjonale marknaden. Noreg har blitt sett på kartet gjennom alt frå nordlysturisme til spannande byar å gjeste. I 2024 har Oslo ein vekst på 15 prosent fleire utanlandske overnattingar, og 40 prosent av all overnatting var internasjonal. Berre i årets siste månader har den internasjonale veksten vore høvesvis 28 prosent i oktober, 34 prosent i november og 26 prosent i desember for Osloregionen samanlikna med 2023.
– Vi opplever at vinterturisme til Oslo og Noreg er ein trend som vil forsterke seg. Fleire direkteruter og eit opplevd «eksotisk» klima er viktige drivkrefter, i tillegg til høg kvalitet i heile besøksnæringa, seier Christian Lunde, administrerande direktør i VisitOSLO
Fullare fly og meire frakt
Det var 47.289 flyrørsler i januar. Det er om lag tre tusen fleire enn i januar i 2024, og ein auke på seks prosent.
På same tid auka talet på passasjerar med ni prosent.
– Dette fører til auka fyllingsgrad på flya, og er positivt for utnytting av flykapasiteten i den norske marknaden, held Gaute Skallerud Riise fram.
– I 2024 auka frakt på innkommande langdistanse-passasjerfly med heile 71 prosent. Utviklinga med meir frakt held óg fram i januar. På Oslo lufthamn var det ein auke på fem prosent i januar, samanlikna med januar i 2024. Ein viktig drivar for utviklinga det siste året har vore auke i innkomande frakt på internasjonale passasjerfly. Dette bidreg til betre økonomi for flyselskapa på Oslo lufthamn, samt betre utnytting av kapasiteten i marknaden., avsluttar Gaute Skallerud Riise.
Størst vekst for dei mindre
Det er dei regionale lufthamnene (DRL) som hadde størst prosentvis samla vekst i januar, med ein auke på heile 17 prosent.
Dei store lufthamnene (Oslo, Bergen, Trondheim og Stavanger) auka óg, men for dei er den samla passasjervekst på sju prosent i januar samanlikna med januar i fjor.
| Januar | Hittil i år | |||||
| Lufthamn | 2024 | 2025 | Endring | 2024 | 2025 | Endring |
| Oslo | 1 594 000 | 1 745 000 | 9 % | 1 594 000 | 1 745 000 | 9 % |
| Bergen | 418 000 | 431 000 | 3 % | 418 000 | 431 000 | 3 % |
| Trondheim | 272 000 | 284 000 | 5 % | 272 000 | 284 000 | 5 % |
| Stavanger | 270 000 | 270 000 | 0 % | 270 000 | 270 000 | 0 % |
| DSL sum | 2 554 000 | 2 730 000 | 7 % | 2 554 000 | 2 730 000 | 7 % |
| Tromsø | 215 000 | 272 000 | 26 % | 215 000 | 272 000 | 26 % |
| DSL andre | 488 000 | 548 000 | 12 % | 488 000 | 548 000 | 12 % |
| DRL sum | 703 000 | 820 000 | 17 % | 703 000 | 820 000 | 17 % |
| Avinor sum | 3 257 000 | 3 550 000 | 9 % | 3 257 000 | 3 550 000 | 9 % |
50 prosent meir droneflyging i januar
I januar vart det meldt inn 1456 flygingar med drone i Ninox Drone
– Dette er ein auke på meir enn 50 prosent samanlikna med januar 2024, seier Mats Gjertsen som leiar droneprogrammet til Avinor. -Dette er høge tal i ein månad med generelt lågare droneaktivitet, og er teikn på tydeleg økta bruk av dronar i Noreg, seier Gjertsen.
