Turismen i Noreg er i full vekst, og det er gjerne fjordane turistane ynskjer å oppleve. I Hjørundfjorden får ein oppleve spektakulært fjordlandskap og dei mektige Sunnmørsalpane.
– Denne ruta vil gje gjestene våre mogelegheita til på oppleve det ypperste av norsk natur, seier dagleg leiar for The Fjords, Rolf Sandvik.
Den nye passasjerruta mellom Ålesund og Øye startar opp 01.juni. Fjord Cruise Hjørundfjord er eit viktig tilskot for å enklare kunne frakte turistar mellom Geiranger og Ålesund. Ruta vil ha tre avgongar per dag, og er i drift fram til 31.august.
Ruta vil også ha stopp på Trandal, eitt av fleire gode utgangspunkt for naturskjønne fjellturar. Passasjerbåten som skal frakte gjestane heiter Fjord Molde og tek 97 passasjerar.
Den 1.juni kl. 08:30 vert dei fyrste passasjerane frakta frå Ålesund til Øye, og ein håpar å sjå både tilreisande så vel som dei lokale nytte seg av det nye tilbodet.
Les også: Eventyrlige Sagafjord Hotel i Hjørundfjorden bliver BW Premier Collection
Les meir om Ålesund HER, om Hjørundfjorden HER og om Geiranger HER