Tilsaman 1.8 millionar passasjerar reiste over Oslo lufthamn i november. Auken var på 24 prosent samanlikna med november i fjor. Innanlandstrafikken auka med ni prosent og utanlands var auken 44 prosent. Men samanlikna med november 2019 er passasjertala framleis 15 prosent lågare.
-Vi er glade for at flytrafikken nærmar seg normalnivå. Hovudflyplassen i landet er inngangsporten for turistar til Noreg, og porten ut i verda for både nordmenn og norsk næringsliv. Avinor bidrar til at flytrafikken avviklast sikkert, stabilt og effektivt både for passasjerane og flyselskapa, seier Stine Ramstad Westby, lufthamndirektør på Oslo lufthamn.
Passasjertala for Oslo lufthamn i november 2022:
- Innanriks: 890.808 – pluss ni prosent
- Utanriks: 917.636 – puss 44 prosent
- Totalt: 1.809.072 – pluss 24 prosent
I Avinor-nettverket er det slik at dei lønsame lufthamnene subsidierer dei ulønsame. Oslo lufthamn sitt bidrag til å oppretthalde flyplassar i heile Noreg er avgjerande.
