Vetle Elva Hotell på Voss på den første MICHELIN-lista over hotella i Noreg

Elva Hotell har fått den prestisjetunge utmerkinga 1 Key i den internasjonale The MICHELIN Guide 2025, og markerer seg som eit hotell som tilbyr eit “særleg minneverdig opphald” i verdsklasse!

– Visit Voss vil gratulera Elva Hotell med utmerkinga. Ei slik utmerking frå MICHELIN Guide set verkeleg Voss på kartet som reisemål, for kvalitetsbevisste gjester frå inn- og utland, seier Gry Bystøl, leiar i Visit Voss.

Slik beskriv MICHELIN Guiden hotellet:

«You’ll be truly at one with nature here – with enough activities on offer to satisfy the most energetic of outdoor enthusiasts. The five mini-houses all take their names from rivers in Voss, while the main building, which is home to the restaurant as well as four further bedrooms, overlooks Lundarvatnet Lake. Using local materials, the houses blend effortlessly into the stunning landscape that surrounds them, while ingredients from the area underpin the menu».

– Vi er stolte og takksame for å få denne anerkjenninga frå MICHELIN Guide, seier Frode Solbakk, eigar og direktør ved Elva Hotell.

– Dette er eit bevis på innsatsen og engasjementet teamet vårt legg ned for å skape unike opplevingar for gjestene våre.

Elva Hotell ligg vakkert til ved elvebreidda på Voss, og kombinerer moderne komfort med naturens ro og lokal kultur med eit breitt utval av aktivitetar. Hotellet har tidlegare fått merksemd for sitt fokus på design, berekraft og samarbeid med lokale aktørar.

Les meir om Elva Hotell HER og om Voss HER

Fakta om MICHELIN Keys:

The MICHELIN Guide har tildelt Elva Hotell 1 MICHELIN Key 2025

MICHELIN Keys er hotellverda sitt svar på MICHELIN-stjernene, og blir gjeve til hotell som utmerkar seg med høg kvalitet, særpreg og ei eksepsjonell gjesteoppleving. Elva Hotell er no ein del av eit eksklusivt utval av berre 13 hotell i Noreg som har blitt vurdert og belønna av MICHELIN sine inspektørar.

Desse 13 hotella fekk 1 og 2 Keys på den norske Michelin-lista:

Amerikalinjen, Oslo – Boen Gård, Kristiansand – Britannia Hotel, Trondheim – Hotel Brosundet, Ålesund – Hotel Continental, Oslo – Eilert Smith Hotel, Stavanger – Elva Hotel, Voss – Juvet Landscape Hotel, Valldal – Manshausen, Leinesfjord – Sommerro, Oslo – Storfjord Hotel, Ålesund (2 Keys) – Hotel Union, Norrangsfjorden – Walaker Hotel, Solvorn (2Keys)