3 972 514 passasjerar nytta Avinor sine lufthamner i mars. Dette var ein auke på 21 prosent samanlikna med mars 2022. Trafikken er likevel 12 prosent lågare enn i same månad i 2019, som var det siste normalåret før pandemien. Talet på flyrørsler er derimot berre sju % lågare enn før pandemien.
– Flytrafikken aukar framleis samanlikna med i fjor. For dei tre første månadene samla er flytrafikken nå 15 prosent bak 2019-nivå. Det er venta at flytrafikken vil ligge under 2019-nivå resten av året. Men i månadene juni-august, ventar me at trafikken berre vil ligge omlag 5-7 prosent under nivået før pandemien, seier trafikkdirektør i Avinor, Gaute Skallerud Riise
– Fritidsreisande inn til Noreg er venta å være den viktigaste drivaren for utviklinga framover. Dette gjaldt også før pandemien, og er ein trend som vil halde fram. Dette er gledeleg for reiselivet, og vil i tida som kjem bli eit stadig viktigare eksportområde for Noreg. Akkurat nå er den svake krona også ein viktig drivar her, held Riise fram.
– Dei samla passasjertala for året vil truleg ende om lag 8-10 prosent lågare enn i 2019. Det er knytt usikkerheit til dette mellom anna som følgje av internasjonal uro og usikker effekt av redusert kjøpekraft blant forbrukarar i Noreg og ute i verda, avsluttar Riise.
Flyrørsler
Det var 53 376 kommersielle flyrørsler i mars 2023. Dette er ein auke på åtte prosent frå mars 2022. Om ein samanliknar med mars i 2019, har det vore ein nedgang i talet på flyrørsler på sju prosent.
Trafikken utanlands
1 412 695 passasjerar har reist mellom Avinor sine lufthamner og utlandet i mars. Same månad i fjor reiste i underkant av ein million passasjerar til utlandet. Det betyr at trafikken utanlands har auka med 43 prosent samanlikna med i fjor, da luftfarten framleis var råka av pandemi og reiserestriksjonar.
Om ein samanliknar med 2019, er det 17 prosent nedgang i utanlandstrafikken i mars månad.
Trafikken innanlands
2 513 418 reiste innanlands i mars. Det er 12 prosent fleire enn i mars i fjor.
Samanlikna med mars 2019 har det vore ein nedgang på 10 prosent.
Hittil i år
Om ein samanliknar talet på passasjerar så langt i år med same periode i 2019, ser ein at vi no ligg 15 prosent bak normalåret 2019.
Her er passasjertala i mars frå dei store lufthamnene, samt DRL = dei regionale lufthamnene samanlikna med 2022:
| Mars | Hittil i år | |||||
| Lufthamn | 2022 | 2023 | Endring | 2022 | 2023 | Endring |
| Oslo | 1 559 000 | 1 980 000 | 27 % | 3 442 000 | 5 186 000 | 51 % |
| Bergen | 438 000 | 494 000 | 13 % | 1 023 000 | 1 323 000 | 29 % |
| Trondheim | 294 000 | 342 000 | 17 % | 648 000 | 899 000 | 39 % |
| Stavanger | 261 000 | 321 000 | 23 % | 581 000 | 843 000 | 45 % |
| DRL | 739 000 | 836 000 | 13 % | 1 725 000 | 2 189 000 | 27 % |
| Avinor | 3 290 000 | 3 973 000 | 21 % | 7 419 000 | 10 441 000 | 41 % |
Samanlikna med 2019:
Mars | Hittil i år | |||||
| Lufthamn | 2019 | 2023 | Endring | 2019 | 2023 | Endring |
| Oslo | 2 329 000 | 1 980 000 | -15 % | 6 283 000 | 5 186 000 | -17 % |
| Bergen | 510 000 | 494 000 | -3 % | 1 376 000 | 1 323 000 | -4 % |
| Trondheim | 378 000 | 342 000 | -9 % | 1 017 000 | 899 000 | -12 % |
| Stavanger | 359 000 | 321 000 | -11 % | 969 000 | 843 000 | -13 % |
| DRL | 949 000 | 836 000 | -12 % | 2 575 000 | 2 189 000 | -15 % |
| Avinor | 4 525 000 | 3 973 000 | -12 % | 12 220 000 | 10 441 000 | -15 % |
