Framleis vekst i passasjertrafikken

Fire millionar passasjerar reiste til, frå og over Avinor sine flyplassar i november. Dette er ein auke på fem prosent samanlikna med november i 2023. Også så langt i år er auken  fem prosent, samanlikna med same periode i 2023. 

– Passasjertala i november er prega av ein auke på heile 12 prosent utanlands. Samtidig er veksten innanlands utelukkande driven av reiser utanlands altså tilslutningsreiser mellom inn- og utland. Innanlandsmarknaden i seg sjølv er svakt ned mot november i fjor (-1%). Dette er eit teikn på den aukande interessa for Noreg som reiselivsdestinasjon, og på at nordmenn held fram med å prioritere utanlandsreiser i ein tid der mange har ein strammare privatøkonomi, seier Gaute Skallerud Riise, direktør for trafikkutvikling i Avinor.

– Trenden med fullare fly held fram. November er månaden med sterkast vekst i fyllingsgrad så langt i år, med heile 3,5 prosentpoeng auke frå same månad i fjor. Dette er ein trend som har gått føre seg over mange år, og som er betydeleg forsterka dei siste to åra. Trenden er positiv både for utnyttinga av infrastrukturen,  men og i eit utsleppsperspektiv.

Flyrørsler

Det var 49 824  kommersielle flyrørsler i november. Dette er to prosent færre enn i november i fjor. Så langt i år er det éin prosent færre flyrørsler samanlikna med same periode i 2023.

Tal for dei største lufthamnene

(DSL = dei store lufthamnene) og samanlagt-tal for dei mindre (DRL= dei regionale lufthamnene)  i november: