Vel 3,7 millionar passasjerar nytta Avinor sine lufthamner i april. Dette er ein auke på to prosent samanlikna med april i fjor. Passasjertala er likevel tolv prosent lågare enn i same månad i 2019, som var det siste normalåret før pandemien. Talet på flyrørsler i april i år ligg éin prosent lågare enn i april i fjor.
– Det samla talet på reisande aukar i april samanlikna med april i fjor, men det var nedgang i talet på reisande innanlands. I fjor var det konkurranse også frå Flyr, så utviklinga innanlands er nok dels prega av den reduserte konkurransen vi ser i denne marknaden. Veksten i flytrafikken i april kjem dermed blant dei som flyg til utlandet – ein marknad med fleire aktørar og sterkare konkurranse, i tillegg til at Covid framleis begrensa marknaden på same tid i fjor, seier trafikkdirektør i Avinor, Gaute Skallerud Riise.
– Utviklinga utanlands er i tråd med prognosane våre, medan trafikken innanlands har utvikla seg noko svakare. Det er venta at flytrafikken vil ligge under 2019-nivå resten av året, men med ein klar topp i sommarmånadene, seier Skallerud Riise.
Flyrørsler
Det var 50.137 kommersielle flyrørsler i april 2023. Dette er ein prosent færre enn i april i fjor. Om ein samanliknar med april i 2019, har det vore ein nedgang i talet på flyrørsler på fem prosent.
Flytrafikken utanlands aukar framleis
1,5 millionar passasjerar reiste mellom Avinor sine lufthamner og utlandet i april. Trafikken utanlands har auka med 15 prosent samanlikna med i fjor, da luftfarten framleis var råka av pandemi og visse reiserestriksjonar.
Flytrafikken innanlands går tilbake for første gong i år
Bortimot 2,2 millionar passasjerar reiste innanlands i april. Så langt i år har flytrafikken auka, samanlikna med i fjor, men i april snudde denne utviklinga og det er ein nedgang på seks prosent mot same månad i 2022.
Hittil i år samanlikna med 2019
Om ein samanliknar talet på passasjerar så langt i år med same periode i 2019, ser ein at vi no ligg 14 prosent bak normalåret 2019. Flyrørsler hittil i år er ni prosent bak 2019.
Her er passasjertala i april frå dei store lufthamnene (Oslo, Bergen, Trondheim og Stavanger), samt DRL (dei regionale lufthamnene) samanlikna med 2022:
April | Hittil i år | |||||
Lufthamn | 2022 | 2023 | Endring | 2022 | 2023 | Endring |
Oslo | 1 851 000 | 1 942 000 | 5 % | 5 293 000 | 7 127 000 | 35 % |
Bergen | 484 000 | 481 000 | -1 % | 1 507 000 | 1 804 000 | 20 % |
Trondheim | 317 000 | 309 000 | -3 % | 966 000 | 1 208 000 | 25 % |
Stavanger | 292 000 | 305 000 | 5 % | 872 000 | 1 148 000 | 32 % |
DSL sum | 2 943 000 | 3 037 000 | 3 % | 8 638 000 | 11 288 000 | 31 % |
DRL sum | 752 000 | 717 000 | -5 % | 2 477 000 | 2 907 000 | 17 % |
Avinor sum | 3 696 000 | 3 754 000 | 2 % | 11 115 000 | 14 194 000 | 28 % |
Samanlikna med 2019:
April | Hittil i år | |||||
Lufthamn | 2019 | 2023 | Endring | 2019 | 2023 | Endring |
Oslo | 2 250 000 | 1 942 000 | -14 % | 8 533 000 | 7 127 000 | -16 % |
Bergen | 498 000 | 481 000 | -3 % | 1 874 000 | 1 804 000 | -4 % |
Trondheim | 333 000 | 309 000 | -7 % | 1 350 000 | 1 208 000 | -11 % |
Stavanger | 332 000 | 305 000 | -8 % | 1 301 000 | 1 148 000 | -12 % |
DSL sum | 3 414 000 | 3 037 000 | -11 % | 13 059 000 | 11 288 000 | -14 % |
DRL sum | 847 000 | 717 000 | -15 % | 3 422 000 | 2 907 000 | -15 % |
Avinor sum | 4 261 000 | 3 754 000 | -12 % | 16 480 000 | 14 194 000 | -14 % |